ازاي أحبب ابني في المذاكره

img

معظم الأمهات بتشتكي ان الطفل بيسرح في المذاكره فتقوم تروح لحد مش فاهم فيعمل للطفل رسم مخ فطبعا رسم المخ للأسف يطلع نسبة كهربا وعلي طول وللأسف يعطيه ديباكين او اي دوا صرع ودي كارثه أنك تدي طفل دوا صرع وهو معندهوش حاجه ، طيب يا تري يا دكتور أحمد انت عندك حل لمشكلة السرحان ، الحل يا اصدقائي يكمن في الرغبه ثم الرغبه ثم الرغبه ، طيب ازاي ارغب صغيري او صغيرتي في المذاكره الخطوات والعناصر كالآتي


1- الطفل بيعشق حاجه اسمها لعب وهي غريزته في الدنيا في بداية عمره علشان كده لازم تخليه يلعب وينبسط وتشجعه وتقوله يا حبيب القلب انا خليتك تلعب يلا بينا فرح ماما وذاكر، وكل ما تذاكر اكتر هخليك تلعب ونشجعك ،،
2- ساعة المذاكره ياريت متبقاش جحيم وعذاب وتبقي حفلة تعذيب للطفل ياريت نغني ونمثل ونهزر وتكون المذاكره لذيذه زي الافلام اللي بيحبوها ،،،،
3- ارجوكم تفهمو ان الحفظ مستحيل يكون من اول مره ولا من تاني مره ولا من تالت مره دا بيحتاج تكرار لمرات عديده حتي تثبت في الذاكره ، الأطفال اللي بيحفظو من اول مره دول حاله نادره ولا يقاس عليها، رقم 3/ الأم الموسوسه بقي دي كارثه عاوزه ابنها جينيس من اولي ابتدائي فلاتقبل خطأ ولا تتهاون في صغيره وتنسي أنها تتعامل مع لحم ودم ومشاعر عشان كده حضرتك هتخوفيه وتضعفي ثقته بنفسه بسبب عمايلك دي ،،،،
4-علي فكره التفوق بياتي بالتدريج والصبر وعمر الشطاره ما كانت بين ليلة وضحاها ،،،
5-لازم نزرع جواه حب الطموح بمعني لو ابنك قالك يا ماما عاوز اكون ظابط متقوليش له لا انا عاوزاك دكتور ولا مهندس شجعيه وخلاص
6- ذاكرو لاولادكم في جو هادئ وتبعيدا عن التلفزيون والمشتات ،
7-ذاكر لطفلك بمعدل ربع ساعه واعطيه راحه ثم كمل ربع ساعة واعطيه راحه بمعدل ساعه مرتين في اليوم كفايه وبعد كده هو هيزود حسب قدرتك علي زرع الرغبه وحب التفوق داخله ، واخيرا فيه ادويه طبيعيه مثل الاوميجا والجنكوبلوبا والشاي والقهوه والشيكولاته تساعد علي اليقظه ،،،،،اهتم بنفسية طفلك جدا وامدحه جدا واديلو برستيج يقوم يحس بكيانه وينطلق الي تقدم ونبوغ بإذن الله ، شير البوست لكل ام واب ، دكتور أحمد عبدالقادر

الكاتب khospita

khospita

مواضيع متعلقة

اترك رداً