تشخيص التوحد

معظم أمهات الأطفال اللي بيعاني أطفالهم من نمطيات متكررة وقلة تواصل وخاصه في عمر عامين وحتي ٤ سنوات
بيكونو محتارين في سلوك أطفالهم ومش عارفين عندهم ايه
ولكي تحكم علي طفلك بشكل صحيح
كتبت لحضراتكم
تشخيص التوحد طبقا للفحص الأمريكي الأخير باللغة العريية وهو تشخيص رسمي بمعني إنه يعتبر معيار يتم كتابة تقرير معتمد بناءا علي نتائجه
أهم بندين في تشخيص التوحد هما
البند الأول
التواصل والتبادل والتفاعل الإجتماعي
والبند الثاني
هو السلوك النمطي
فهمت حضرتك البندين؟
لا مفهتمش حاجه
طيب هشرح لحضرتك ببساطه
لما تقابلي واحده صاحبتك مشفتيهاش من زمان خالص هيحصل ايه بينكم
تواصل وتبادل وتفاعل إجتماعي
طيب هو فيه فرق بين التواصل والتبادل والتفاعل
اه طبعا
لو قلتي لصاحبتك إزيك وحشتيني
دا اسمه تواصل
لو هي قالتلك وإنتي كمان دا اسمه تبادل
طيب إيه هو التفاعل
هو عباره عن المشاعر التي تصاحب هذا الموقف سواء بالحب أو بالكره
يعني ممكن تقوليلها إزيك وحشتيني وإنتي بتحبيها فعلا فهتكوني مبسوطه وباين عليكي
أو تكوني بتكرهيها وبرضو هيبان عليكي
أعتقد كلنا فهمنا البند الأول وعرفنا إيه هو التواصل وإيه التبادل وإيه هو التفاعل
بيسميه الأمريكان Social Emotional Reciprocity
طيب طبقي الكلام ده علي صغيرك ربنا يخليهولك وتفرحي بيه يارب العالمين
لازم يكون متواصل ومتبادل ومتفاعل
البند الثاني اللي هو السلوك النمطي
دا أهم بند في تشخيص التوحد بمعني إن لو طفلك عنده نمطيات مع مشكله في التواصل يبقي فيه توحد
طيب لو مفيش نمطيات وفيه مشكله في التواصل يبقي مش توحد يبقي اضطراب تواصل لغوي واقعي
طيب لو فيه نمطيات بس التواصل كويس يبقي حرمان حسي وهيتحسن مع الوقت والتدريب
طيب النمطيات ممكن تكون ايه
ممكن تكون الآتي
١/حركات مثل رفرفة اليدين أو حركات لف الأصبع أو التصفيق المتكرر
٢/ سلوك نمطي زي رص الألعاب أو تطبيق الملابس
٣/ الأكل النمطي
٤/ ترتيب الأشياء
كان جزء من كتابي الجديد أنا عندي إيه يا ماما
أرجو أننا أكون وضحت بعض الأمور عن اضطراب التوحد


د/احمد عبد القادر

الكاتب haidy abolkasem

haidy abolkasem

مواضيع متعلقة

اترك رداً