القياس النفسى

القياس النفسي
لو افترضنا ان معانا طفل اسمة احمد وطفل تاني اسمه مصطفي وطفل اخر اسمه علي
وقلنا مثلا :
ان احمد اطول من مصطفي
وان علي اطول من مصطفي
كدا احنا وصفنا ان احمد وعلي اطول من مصطفي
لكن مش عارفين هل احمد اطول من علي ولا احمد اقصر من علي
ولا احمد مثل علي في الطول .
طيب لو افترضنا ان
احمد طوله 180 سم
وان مصطفي طولة 160 سم
وان علي طولة 170 سم
كدا اتضح لينا مين الطويل ومين الاطول ومين الاكثر طولا
احنا كدة عملنا مقياس للطول
يبقي ببساطة القياس هو عملية وصف المعلومات وصف كمي( من خلال الارقام )
هل يمكن تعميم الكلام السابق علي السمات الاخري مثل الذكاء او القدرات الانسانية الاخري ؟
يعني هل ممكن نقيس الذكاء مثل قياس الطول او الوزن؟
الاجابة :
الطول او الوزن سمات ملحوظة وملموسة يمكن استخدام مقياس مادي لقياسها
اما الذكاء نجد انة يستدل علية من خلال اثرة وتأثيرة وبالتالي قياسة قياس مادي او موضوعي امر صعب جدا
وهنا يتطلب احد فروع علم النفسي وهو القياس النفسي
وبالتالي عملية القياس في السمات مثل الطول والوزن تختلف عن القياس في الذكاء او القدرات النفسية
القياس من منظور علم النفس
احنا في الجزء الخاص بالطول او الوزن اتكلمنا عن كم الطول بالنسبة للشخص بغض النظر عن الاشخاص الاخرين
اما في القياس النفسي ننظر الي الفروق الفردية بين الافراد فيما يتعلق بالسمة المشتركة فيما بينهم
يعني مثلا :
لو نظرنا الي اختبارات الذكاء
في البداية يتم تقنينها علي عينة كبيرا جدا يتم تحديدها
وبالتالي لما حضرتك تطبق اختبار الذكاء وتقول ان الطفل ( س) حصل علي مقدار ذكاء ( كذا )
يعني النسبة الي حصل عليها دي توصلت اليها لما قارنت درجه الطفل بنفس الاطفال الي هما من نفس عمره .
يعني انا مش بقيس كم الذكاء الي عند الطفل بصرف النظر عن الاخرين
انا بقيس مقدار الذكاء الموجود عند الطفل بينة وبين افراد من نفس فئتة العمرية .
لذلك القياس النفسي له اسس وقواعد بتحكمة
مش مجرد قياس بنطبقة ونحصل علي درجة فقط
فالدرجة الكمية الي نحصل عليها ليست هدف في حد ذاتة انما لخدمة اغراض اخري .
الهدف من القياس النفسي
هناك ثلاث اهداف رئيسية
1- الوصف او المسح
2- التشخيص
3- التنبؤ
اولا : الوصف او المسح
وهو حصر للامكانيات او القدرات الموجودة عند الافراد
مثل :
اختبار بيك للاكتئاب (لوصف مشاعر الاكتئاب )
ثانيا : التشخيص
وهو تشخيص وتحديد المستوي الحالي للاداء
مثل اختبارات الذكاء ( لتحديد وتشخيص الطفل اذا كان صعوبات تعلم او بطي تعلم او اعاقه عقلية
كما تهتم مقاييس التشخيص بتحديد نقاط القوة والضعف
ثالثا : التنبؤ
التنبؤ سمة اساسية من سمات علم النفس
وهو التنبؤ بقدرات الفرد
مثل ميدان علم النفس الصناعي
مثل : مقاييس الميول المهنية
لتوظيف الافراد في المكان المناسب لميولهم وقدراتهم واهتماماتهم
وهنعرف في المقال القادم تصنيف المقياس النفسية .


الاخصائي النفسي /فادي ناصر سعدي

الكاتب haidy abolkasem

haidy abolkasem

مواضيع متعلقة

اترك رداً